خوێندکارێکی خەڵکی شاری مهاباد چارەنووسی نادیارە

خوێندکارێکی خەڵکی شاری مهاباد چارەنووسی نادیارە


بە پێی هەواڵێک کە بە ناوەندی هەواڵنێری ئاسۆی ڕۆژهەڵات گەیشتووە، بە تێپەڕ بوونی یەک مانگ لە دەستبەسەر بوونی "فەرزاد سامانی" خوێندکاری کورد و خەڵکی شاری مهاباد، چاەرنووسی نادیارە.

ئەم خوێندکارە کوردە پێشووتر لەگەڵ خوێندکارێکی دیکە بە ناوی "سوهەیب بادرووج" لە لایەن ئیداری ئیتلاعاتی سپای پاسدارانی شاری کەرەجەوە دەستبەسەر و بۆ شوێنێکی نادیار گواسترابوونەوە.

حەول و بەدوادا چوونی بنەماڵەی سامانی بۆ ئاگادار بوون لە بارووخۆی تەندرووستی و شوێنی مانەوەی کوڕەکەیان سەریان لە ناوەندە ئەمنییەکان و دەزگای داد داوە بەڵام تائێستا هیچ وڵامێکیان بەم بنەماڵەیە نەداوەتەوە.

جێگای باسە کە، لە ماوەی چەند مانگی ڕابردوودا زیاتر لە ١٢٠ شارۆمەند، چالاکی مەدەنی، کولتووری، ژینگەیی، هەندێک لە خوێندکاران و ژنان لە لایەن ناوەندە ئەمنییەکانەوە دەستبەسەر و هەندێکیان چارەنووسیان نادیارە.


ئه‌م بابه‌ته 156 جار خوێنراوه‌ته‌وه‌‌


PM:07:43:26/02/2021